Міністр гандлю патлумачыў, чаму так вырасла інфляцыя і што будзе далей
Чаму цэны на прадукты ў гэтым годзе так выраслі і чаго чакаць летам, міністр антыманапольнага рэгулявання і гандлю Беларусі Аляксей Багданаў адказаў для OНT.
Багданаў распавёў, што традыцыйна ў Беларусі ў зімовы час цэны растуць. Гэта, кажа ён, абумоўлена пэўнымі фактарамі.
«Першае — студзень, гэта адмена ўсіх навагодніх зніжак, акцый. У дачыненні да снежня мінулага года заўсёды ўплывае гэты фактар, мы заўсёды яго ўлічвалі. У лютым, напрыклад, у адпаведнасці з заканадаўствам, традыцыйна павышаюцца тарыфы на камунальныя паслугі. У цэлым, у зімовы перыяд растуць цэны на гародніну, таму што гэта міжсезонне.
Вялікія выдаткі атрымліваюцца на яе вырошчванне, на захоўванне. Трэба больш электрычнасці і гэтак далей. Таму яна атрымліваецца даражэйшай, чым у летні перыяд», — распавёў Аляксей Багданаў.
Пасля «традыцыйнага» росту адбыўся рост нечаканы.
«А сітуацыя ў сакавіку, калі ў нас быў скачок, 6,1% месячная інфляцыя атрымалася… Вядома, гэты ўплыў быў рэакцыяй у прынцыпе сусветнай эканомікі на пачатак спецыяльнай аперацыі [вайны Расіі ва Украіне]. Ужо мы бачым, што ў красавіку, дзякуючы намаганням нашага ўрада ў цэлым, і расійскага, калі рубель стаў і расійскі, і беларускі ўмацоўвацца, мы бачым у чатыры разы зніжэнне інфляцыйных працэсаў,
у красавіку — 1,6%, у маі чакаем інфляцыю да 1%. У цэлым яна будзе запавольвацца ў летнія месяцы», — растлумачыў Аляксей Багданаў.
Паводле яго, урад «напружана працуе над гэтымі пытаннямі», ёсць антыінфляцыйная праграма.
«Дадаткова сёння яшчэ зараджаная праграма па стрымліванні цэн, якая была распрацаваная МАРГ сумесна з зацікаўленымі дзяржорганамі, яна на разглядзе ў Савеце Міністраў знаходзіцца», — сказаў міністр.
Цяпер чытаюць
Калеснікава: У 2020‑м я змагалася не супраць Лукашэнкі, а за людзей, свабоду і свабодныя выбары65
Калеснікава: У 2020‑м я змагалася не супраць Лукашэнкі, а за людзей, свабоду і свабодныя выбары
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць2929
Каментары