«Заказчыка ведае ўвесь свет, але мы хочам, каб даведаліся і выканаўцаў». Людміла Навальная — пра гібель сына
Маці палітыка Аляксея Навальнага пасля паніхіды на Барысаўскіх могілках у Маскве падзякавала ўсім, хто не забывае пра яе сына, і сказала смелыя словы.
«Я ўпэўнена, што калі-небудзь праўда пераможа. Заказчыка ведае ўвесь свет, але мы хочам, каб даведаліся і выканаўцаў — і тых, хто спрыяў гэтаму, і тых, хто здзейсніў», — сказала Людміла Навальная.
Яна таксама падзякавала ўсім, хто памятае пра яе сына.
«Дзякуй і велізарны нізкі паклон усім, хто прыходзіць сюды, усім, хто дапамагаў мне, калі я была ў Салехардзе, усім, хто гэты год памятае Аляксея, прыходзіць сюды. Нізкі паклон і дзякуй», — сказала Людміла Навальная.
Сёння — гадавіна смерці загінулага ў расійскай турме апазіцыйнага палітыка Аляксея Навальнага. Людзі нясуць кветкі да магілы палітыка ў Маскве і помнікаў ахвяр палітычных рэпрэсій у гарадах Расіі.
«На роздум далі паўгадзіны». Настаўніцы з Полацка давялося звольніцца з-за тыкток-блога2
Каментары