Мінздароўя: Стан абгарэлага супрацоўніка Шклоўскага РАУС вельмі цяжкі
Стан супрацоўніка Шклоўскага РАУС, які пацярпеў пры ўзгаранні, вельмі цяжкі, паведамляе прэс-служба Міністэрства аховы здароўя. Ён знаходзіцца ў аддзяленні рэанімацыі Шклоўскай ЦРБ.
Сёння ў бальніцы прайшоў кансіліум вядучых камбустыёлагаў краіны і бальніцы, з удзелам міністра аховы здароўя Дзмітрыя Піневіча. У пацыента дыягнаставана 76% апёкаў скурных покрываў агульнай паверхні цела, тэрмаінгаляцыйная траўма.
Галоўны пазаштатны камбустыёлаг Міністэрства аховы здароўя Аляксей Часнойць і загадчык апёкавай рэанімацыі БХМД Мінска Ларыса Залатухіна выканалі экстранную аперацыю — некратамію. Скарэктаванае лячэнне, распрацоўваецца тактыка па транспарціроўцы пацыента ў Рэспубліканскі апёкавы цэнтр.
Міліцыянер пацярпеў учора днём у будынку раённага аддзела ўнутраных спраў у адным з працоўных кабінетаў. У памяшканні знаходзіліся супрацоўнік міліцыі і дастаўлены для разбору жыхар Магілёва. «Адбылося ўзгаранне канфіскаванай маёмасці з наступным пажарам у памяшканні. У выніку мужчына загінуў, супрацоўнік шпіталізаваны», — паведамлялі ў СК.
Чытайце таксама:
На допыце ў Шклове мужчына падпаліў сябе і супрацоўніка міліцыі. Мужчына загінуў, міліцыянт у рэанімацыі
Музыка Цім Суладзэ: Розніца 30 гадоў — тое, што адпавядае маім уяўленням пра адносіны41
Каментары