Затрыманай падчас рэферэндуму Ірыне Яўмененка далі тры гады хіміі
Жанчыну затрымалі 27 лютага і спачатку асудзілі на 15 сутак, а потым завялі крымінальную справу.
Ірына Яўмененка скончыла МДЛУ, мае сваё турыстычнае агенцтва. Працавала настаўніцай французскай мовы ў гімназіі.
Жанчына была затрыманая 27 лютага, у дзень галасавання на рэферэндуме. Спачатку яе асудзілі на 15 сутак, а потым прад'явілі абвінавачанні паводле арт.342 Крымінальнага кодэкса (удзел у дзеяннях, якія груба парушаюць грамадскі парадак) і перавялі з ІЧУ на Акрэсціна ў СІЗА на Валадарскага.
10 чэрвеня Ірына была асуджаная да трох гадоў абмежавання волі з накіраваннем у папраўчую ўстанову адкрытага тыпу. Яе выпусцілі ў зале суда да накіравання для адбыцця тэрміну пасля амаль чатырох месяцаў у СІЗА.
Як пасля канца свету. Аграсядзібу ў Салігорскім раёне занесла зямлёй3
Каментары