Камітэт дзяржаўнай бяспекі працягвае абнаўляць спіс «асоб, якія маюць дачыненне да тэрарыстычнай дзейнасці». У пералік уключылі яшчэ трох чалавек — адзін з іх ужо асуджаны, але пазначаны ў спісе, як абвінавачаны, піша «Зеркало».
На сайце КДБ з'явілася новая версія спісу, датаванага 13 чэрвеня (папярэднія змены ўносіліся 10 чэрвеня), у ім тры новыя прозвішчы:
— 39-гадовы Аляксей Парэцкі, жыхар Магілёўскай вобласці, абвінавачваецца паводле арт. 130 (распальванне расавай, нацыянальнай, рэлігійнай альбо іншай сацыяльнай варожасці або варожасці) КК Беларусі;
— 42-гадовы Канстанцін Ханін, жыхар Гродзенскай вобласці, абвінавачваецца па арт. 130 (распальванне расавай, нацыянальнай, рэлігійнай альбо іншай сацыяльнай варожасці або варожасці) КК Беларусі;
— 56-гадовы Іван Вярбіцкі, жыхар Гродзенскай вобласці. У пераліку ён пазначаны, як абвінавачаны паводле арт. 289 (акт тэрарызму) КК Беларусі, але прысуд мастаку з Гальшан быў вынесены яшчэ 15 сакавіка — яго асудзілі да 8 гадоў і 1 месяца пазбаўлення волі ў калоніі ўзмоцненага рэжыму. Прызнаны палітвязнем.
Такім чынам у жніўні 2020 года ў пераліку «асоб, якія маюць дачыненне да тэрарыстычнай дзейнасці» аказалася 80 грамадзян Беларусі, у тым ліку Святлана Ціханоўская, Павел Латушка, Марыя Калеснікава, Максім Знак і іншыя.
Цяпер чытаюць
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць48
Каментары