Старшыня Савета Рэспублікі Наталля Качанава ў інтэрв'ю АНТ закранула пытанне жанчын у палітыцы і на кіраўнічых пасадах. Яна, натуральна, толькі за гэта, але бачыць і абмежаванні. «Некаторыя жанчыны», якія займаюць высокія пасады ў Еўрасаюзе, на яе думку, выглядаюць «часам смешна», бо яны яўна не змаглі б паводзіць сябе ў 2020 годзе так, як дзейнічаў Аляксандр Лукашэнка.
Качанава сказала:
«Я гляджу на некаторых жанчын, якія займаюць дастаткова высокія пасады ў Еўрасаюзе. Не трэба выглядаць часам смешна. Таму, што мы ж разумеем, што ў той сітуацыі (у жніўні 2020 года), вытрымала б жанчына, як вытрымаў наш прэзідэнт? Напэўна, не. Тады, калі чалавек бярэ аўтамат у рукі і ідзе абараняць сваю краіну, і за ім ідуць сілавыя структуры — гэта абсалютна іншая гісторыя.
Жанчыны павінны рабіць усё, што ім прызначана лёсам. Там, дзе яны могуць рэалізаваць сябе, разумеючы свае ўнутраныя магчымасці».
Каментары