Міліцыя ў Гомелі разагнала ў парку дабрачыннае мерапрыемства для дзяцей бежанцаў з Украіны
Увечары ў панядзелак у Гомельскім парку 8 міліцыянтаў разагналі сход грамадзян, паведаміла выданне «Флагшток» на падставе сведчання відавочцы. У гэты час там мусіла адбывацца свята для дзяцей бежанцаў з Украіны, якое хацелі зладзіць валанцёры.
Паводле папярэдніх анонсаў, 27 чэрвеня ў 17.00 у парк Гомельскага палацава-паркавага ансамбля валанцёры запрашалі дзяцей і падлеткаў ва ўзросце ад 2 да 18 гадоў. У праграме мерапрыемства былі гульні і конкурсы на ўсе ўзроставыя групы, гістарычны квэст, сувеніры і падарункі.
Мерапрыемства «Дзень дзён нараджэнняў» прыдумала 10-гадовая Аліса з пасёлка Нью-Ёрк у Данецкай вобласці. Абавязковай умовай для ўдзелу было прынесці з сабой самаробнага «голуба міру» або зрабіць яго ў парку ўсім разам, гаварылася ў аб'явах, размешчаных у гомельскіх чатах.
Сустрэча была прызначаная за Петрапаўлаўскам саборам ля філіяла Веткаўскага музея.
Каментары