Журналістку «Дажджу» прызналі іншаземным агентам за грашовы перавод з Беларусі
«Я даведалася, за што мяне прызналі іншагентам, і гэта вельмі смешна. Я агент Беларусі!» — напісала ў фэйсбуку журналістка расійскага тэлеканала «Дождж» Марыя Барзунова і патлумачыла, што стала фармальнай падставай для надавання ёй такога статусу.
Замежным фінансаваннем журналісткі расійскі Мінюст прызнаў наступныя грашовыя пераводы.
Першае — ад калегі і прыяцелькі з Беларусі. З сакавіка 2019-га па май 2020-га тая перавяла журналістцы агулам 10 270 расійскіх рублёў (486 беларускіх рублёў).
Другое — ад журналіста з ЗША, які раней працаваў на Moscow Times, а цяпер — на Wall Street Journal. Ён з ліпеня 2020-га па лістапад 2021-га перавёў Марыі 1290 расійскіх рублёў (61 беларускі рубель).
Марыя асвятляла падзеі ў Беларусі пасля выбараў 2020 года. Летась яна выпусціла фільм «Краіна ў выгнанні: як беларусы бягуць ад рэжыму Лукашэнкі».
Тэлеканал «Дождж» таксама прызнаны ў Расіі іншагентам — у жніўні 2021 года.
Каментары