З Турцыяй дамовіліся, яна не будзе стаяць на шляху Фінляндыі і Швецыі ў НАТА
Адміністрацыя прэзідэнта Фінляндыі Саўлі Нііністэ паведаміла, што перамовы з Турцыяй скончыліся поспехам і гэтая краіна не будзе пярэчыць уступленню Фінляндыі і Швецыі ў НАТА.
«У Мадрыдзе, перад пачаткам саміту НАТА, мы правялі грунтоўную сустрэчу з прэзідэнтам Турцыі Рэджэпам Таіпам Эрдаганам і прэм'ер-міністрам Швецыі Магдаленай Андэрсан пры садзейнічанні генеральнага сакратара НАТА Енса Столтэнберга.
У выніку міністры замежных спраў падпісалі трохбаковы мемарандум, які пацвярджае, што Турцыя на мадрыдскім саміце на гэтым тыдні падтрымае запрашэнне Фінляндыі і Швецыі стаць членамі НАТА. Дэталёвыя крокі па нашаму ўступленню ў НАТА будуць узгодненыя на працягу наступных двух дзён», — гаворыцца ў паведамленні.
У той жа час генеральны сакратар НАТА Енс Столтэнберг абвясціў, што Турцыя, Швецыя і Фінляндыя падпісалі сумесны мемарандум па пытаннях, якія турбавалі Турцыю. Абедзве паўночнаеўрапейскія краіны, маўляў, пагадзіліся супрацоўнічаць з Турцыяй, каб спрыяць яе бяспецы і гэта адкрыла дарогу абодвум краінам у НАТА.
Столтэнберг абвясціў, што ў рамках пагаднення Анкара дамаглася ад Швецыі і Фінляндыі абяцання аб экстрадыцыі абвінавачаных ёй у тэрарызме мігрантаў назад у Турцыю.
«Экстрадыцыя — гэта высакародная рэч, якую робяць саюзнікі па НАТА з людзьмі, асуджанымі за тэрарыстычную актыўнасць», — падкрэсліў Столтэнберг. Сам ён у сваёй заяве назваў Рабочую партыю Курдыстана тэрарыстычнай арганізацыяй.
У сваю чаргу, канцылярыя турэцкага прэзідэнта паведаміла, што атрымала абяцанні канкрэтных крокаў па экстрадыцыі асоб, якія абвінавачваюцца ў тэрарызме, а таксама адмене эмбарга на супрацоўніцтва ў сферы ўзбраенняў з боку краін Паўночнай Еўропы.
Цяпер чытаюць
У Мінску кідаюць будаваць трэцюю лінію метро ў Зялёны Луг. Усе сілы пойдуць на чацвёртую, кальцавую14
Каментары