Аляксандр Лукашэнка сёння зладзіў прыём для выпускнікоў вайсковых ВНУ і вышэйшага афіцэрскага складу. Таксама ён зрабіў некалькі заяў.
Па яго словах, краінамі Захаду пры адкрытым дырыжорстве Злучаных Штатаў руйнуецца сістэма глабальнай бяспекі, што прывяло да канфлікту ва Украіне.
«Мабыць, наваяўленыя «крыжакі» з Паўночнаатлантычнага альянсу раптам вырашылі, што надыходзіць зручны момант для чарговага «кідка на ўсход», забыўшыся, чым скончыліся аналагічныя паходы для іх гістарычных папярэднікаў», — заявіў ён.
Лукашэнка заявіў таксама пра тое, што рыхтаваўся напад на Расію праз Украіну і Беларусь.
«У апошні час (і мы гэта падрабязна абмяркоўвалі ўчора з прэзідэнтам Расійскай Федэрацыі) распрацоўваюцца стратэгічныя планы нападу на Расію. І галоўнае кірунак ўдару (гісторыя паўтараецца) — праз Украіну і праз Беларусь», — Аляксандр Лукашэнка.
Па яго словах, свет ранейшым ўжо не будзе. «Падзеі, якія адбываюцца — гэта рашучыя крокі па шляху да шматпалярнай светабудовы, спынення амерыканскай гегемоніі, у інтарэсах захавання якой нарошчваюцца групоўкі войскаў, падтрымліваецца неанацысцкая ідэалогія і адкрыта фашысцкія рэжымы вакол непажаданых краін. На жаль, такая палітыка Захаду набліжае свет да прорвы вялікай вайны, у якой, як вы разумееце, пераможцы ўжо не будзе», — мяркуе ён.
Лукашэнка зазначыў, што на Беларусь нарастае ціск не толькі ў ваенна-палітычнай, але і ў іншых сферах, перш за ўсё ў эканамічнай і інфармацыйнай.
«Гэта ў чарговы раз пацвярджае — супраць Беларусі развязаная поўнамаштабная гібрыдная вайна, якая заўсёды носіць наступальны характар. У гэтай вайне задзейнічаныя як нацыянальныя, так і кааліцыйныя структуры Паўночнаатлантычнага блока, якія спецыялізуюцца на правядзенні псіхалагічных аперацый і падрыўных дзеянняў у кіберпрасторы».
Разам з тым Лукашэнка раскрытыкаваў саюзнікаў па АДКБ і СНД за пазіцыю чакання.
«Масіраваны ціск прывёў да таго, што, на жаль, некаторыя нашы саюзнікі па АДКБ і СНД займаюць, мякка кажучы, чакальную пазіцыю. Але пры гэтым палітыка Беларусі не пахіснулася, мы падтрымліваем дыялог з краінамі, якія паважаюць наша меркаванне і нашы інтарэсы», — сказаў Лукашэнка.
Ён дадаў, што ніколі яшчэ ў сучаснай гісторыі Беларусь не сутыкалася з такім беспрэцэдэнтным узроўнем пагроз і выклікаў нацыянальнай бяспекі.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары14
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары