Журналістцы Кацярыне Андрэевай прысудзілі 8 гадоў за «здраду дзяржаве»
Яе прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь» (ч.1 арт, 356). Кацярыну асудзілі на восем гадоў і тры месяцы зняволення, паведамляе Белсат.
Новы суд над журналісткай «Белсата» пачаўся 4 ліпеня. Ёй выставілі абвінавачванне паводле ч. 1 арт. 356 Крымінальнага кодэкса («Здрада дзяржаве»). Ёй пагражала ад 7 да 15 гадоў зняволення.
Што канкрэтна інкрымінавалася журналістцы і на аснове якіх падзей узнікла абвінавачванне — невядома. Адвакат Кацярыны застаецца пад строгай падпіскай аб неразгалошванні і ніякіх акалічнасцяў не можа распавесці нават сваякам.
Кацярына Андрэева была затрыманая разам з калегай Дар'яй Чульцовай 15 лістапада 2020 года на «Плошчы перамен» пасля акцыі ў памяць пра Рамана Бандарэнку і асуджаная за стрым для Белсата да двух гадоў калоніі. На волю Кацярына павінна была выйсці ў верасні гэтага года, аднак вясной стала вядома пра новы суд.
Чытайце таксама:
«У тых, хто распачаў яе пераслед, не была задаволеная прага помсты». Гутарка з мужам журналісткі Андрэевай, якую цяпер абвінавачваюць у «здрадзе дзяржаве»
«Перад сном Каця зверху спускала да мяне руку, мы трымаліся «за лапку». Сукамерніца напісала цёплыя ўспаміны пра Кацярыну Андрэеву, якую судзяць паўторна
«Прачытайце яе гісторыю». Лукашэнку давялося апраўдвацца перад Пуціным за георгіеўскія стужкі11
Каментары