Кошт школьнай формы ў новым навучальным годзе будзе ад 70 рублёў і вышэй
Начальнік упраўлення арганізацыі гандлю і грамадскага харчавання Міністэрства антыманапольнага рэгулявання і гандлю Наталля Мельнікава расказала, колькі будуць каштаваць у новым навучальным годзе школьная форма і канцылярскія тавары.
Па словах Мельнікавай, школьная форма падаражэла прыкладна на 10% у параўнанні з мінулым годам. У новым навучальным годзе мінімальны арыенціровачны кошт камплектаў адзення дзелавога стылю для школьнікаў малодшых класаў складзе 70-80 рублёў, для больш старэйшых класаў — ад 80 да 100 рублёў і вышэй. Цэны ў параўнанні з мінулым годам выраслі на фоне падаражэння сыравіны і камплектуючых матэрыялаў.
Арыенціровачны кошт набору школьна-пісьмовых і канцылярскіх прыладаў для малодшых класаў складзе ад 35 рублёў, для старэйшых — ад 40 рублёў і вышэй.
Па словах Мельнікавай, у новым навучальным годзе гандлёвая надбаўка будзе ўстаноўленая ў памеры 30% і менш працэнтаў. На асартымент мінулых гадоў гэтая надбаўка можа быць ад 0 да 20%.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары