Рэпер Баста спяваў на юбілеі галоўнай трэнеркі па мастацкай гімнастыцы. Раней прапагандысты адмянілі яго канцэрт у Мінску
Учора галоўная трэнерка нацыянальнай зборнай Беларусі па мастацкай гімнастыцы Ірына Ляпарская адсвяткавала 65-годдзе.
Урачыстасць прайшла ў рэстаране «Лебядзіны» і павіншаваць трэнерку прыехаў расійскі рэпер Баста (Васіль Вакуленка), які праспяваў некалькі сваіх кампазіцый.
Так падчас «Сансары» Баста спусціўся са сцэны і разам з Ляпарскай выканаў песню.
Раней Ляпарская называла Басту адным са сваіх любімых выканаўцаў, кажучы, што ў яе машыне гучаць яго песні.
Нагадаем, што ў чэрвені быў перанесены канцэрт Басты, які меў прайсці ў Мінск-арэне. Супраць яго выступалі праўладныя актывісты і тэлеграм-каналы.
Адзін з іх, напрыклад, пісаў: «Што забыўся ў нашай сталіцы рэпер Баста, які ў 2020 годзе тапіў за дзяржпераварот і пісаў пасты ў падтрымку экстрэмістаў?»
«Калі канцэрт Баста пройдзе ў «Мінск-Арэне», гэта будзе азначаць адно: такія рашэнні ў нас прымае нейкі змагар. Ён падтрымлівае дзяржпераварот, спробу забойства прэзідэнта, санкцыі», — рэагаваў Рыгор Азаронак.
Рэстаран «Лебядзіны» пабудавалі на тэрыторыі птушынага заказніка, а яго будаўніцтва ўзаконілі задняй датай праз указ Аляксандра Лукашэнкі.
Каментары