Саюз прадпрымальнікаў і працадаўцаў у Польшчы адкрыў «Беларускі бізнэс-цэнтр». Яго мэтай будзе дапамога беларускаму бізнэсу, які хоча пераехаць у Польшчу.
Праект «Беларускі бізнэс-цэнтр» ад Саюза прадпрымальнікаў і працадаўцаў будзе надаваць усёабдымную арганізацыйную, прававую і кансультацыйную дапамогу кампаніям з Беларусі, якія хочуць рэлакавацца ў Польшчу. Праект рэалізуецца пры падтрымцы PYXERA Global.
У Польшчы знаходзіцца вялікая беларуская дыяспара, таму супрацоўнікам кампаніі будзе камфортна працаваць, гаворыцца ў прэс-рэлізе Саюза прадпрымальнікаў і працадаўцаў.
У бізнэс-цэнтры кампаніі бясплатна змогуць:
- атрымаць кансультацыйную падтрымку па польскім рынку і бізнэс-сродках: падатках, выдатках на офіс і працоўную сілу, прыцягненне капіталу і г. д.;
- атрымаць юрыдычныя кансультацыі на этапах адкрыцця і вядзення бізнэсу, падтрымку ў кантактах з органамі ўлады;
- атрымаць ментарскую падтрымку ад польскіх экспертаў;
- удзельнічаць у шматлікіх семінарах, вэбінарах і трэнінгах па юрыдычных аспектах, маркетынгу, камунікацыях.
«Беларускі бізнэс-цэнтр» мае ў Варшаве ўласны Open Space з абсталяванымі працоўнымі месцамі. Беларускія кампаніі могуць бясплатна выкарыстоўваць яго для пачатку сваёй дзейнасці ў Польшчы.
За апошнія пяць месяцаў у Польшчы зарэгістравалі 473 кампаніі, у якіх адзін з заснавальнікаў быў фізічнай ці юрыдычнай асобай з Беларусі. Усяго ў Польшчы зарэгістравана 3709 кампаній з беларускім капіталам.
Каментары
Если просто с наскока взять белорусский, польский ,чешский, украинский языки, то сразу понятно, где надо границу с забором в 20 метров ставить. Какая нахрен РФ? Кто они нам вообще?