У жніўні ў Мінску пройдзе фестываль аматараў хатніх жывёл Pets Fest
Найбуйнейшы ў Беларусі фестываль аматараў хатніх жывёл Pets Fest пройдзе ў парку «Дрымлэнд» 13 і 14 жніўня, паведамляе агенцтва «Мінск-Навіны».
Гэты фестываль праходзіць другі раз, упершыню ён адбыўся ў мінулым годзе.
Наведвальнікаў чакаюць забаўляльная праграма для дзяцей і дарослых, розыгрышы прызоў, конкурсы і падарункі ад партнёраў. Усе ахвотныя змогуць пабываць на займальных лекцыях і майстар-класах грумераў, зрабіць яркія здымкі ў фотазонах, атрымаць кансультацыі ветэрынараў і кінолагаў. Таксама арганізатары запланавалі спаборніцтвы па аджыліці, фрысбі і брутальнае шоу ахоўных сабак.
Акрамя таго, у парку разгорнецца дабрачынны кірмаш, дзе кожны жадаючы зможа дапамагчы прытулкам або знайсці новага сябра.
Pets Fest пройдзе 13 і 14 жніўня з 11: 00 да 23:00 у парку «Дрымлэнд». На яго запрашаюць прыходзіць сем’ямі і браць з сабой чатырохногіх сяброў.
Каментары