Корм для катоў і сабак, жуйкі і батончыкі для людзей будуць без беларускай мовы на ўпакоўках.
Адказ з адмовай пісаць на таварах у тым ліку па-беларуску атрымаў грамадскі актывіст Ігар Случак.
Таварыства з абмежаванай адказнасцю «Марс СЕАБ» не дадасць беларускую мову на ўпакоўку. Пра гэта напісаў у афіцыйным адказе на зварот Міхаіл Сегень, генеральны дырэктар беларускага прадстаўніцтва кампаніі. Ён спаслаўся на СТБ 1100-2016, дзе напісана, што «інфармацыя для спажыўцоў у выглядзе тэксту наносіцца на рускай, альбо на рускай і беларускай мовах».
Абарот у 35 мільярдаў даляраў не дазваляе казаць пра тое, што пытанне ў грошах і адсутнасці кваліфікаваных перакладчыкаў — у вытворцы 130 тысяч супрацоўнікаў», — напісаў Ігар Случак па атрыманні ліста ў адказ і змясьціў яго фрагмэнт у Фэйсбуку.
«Дарэчы, нормы ўсё ж парушаныя. Бо СТБ, на які заўжды спасылаюцца вытворцы, неабавязковы для выкарыстання. А вось Канстытуцыя — абавязковая», — дадала яго жонка Аліна Нагорная, маючы на ўвазе, што галоўны закон краіны прызнае аднолькавыя правы за дзвюма мовамі. — Кожны мае права карыстацца роднай мовай, выбіраць мову зносін. Дзяржава гарантуе, у адпаведнасці з законам, свабоду выбару мовы выхавання і навучання».
Цяпер чытаюць
Беларускага Сінюю Бараду адпусцілі з расійскай турмы паміраць дома2
Беларускага Сінюю Бараду адпусцілі з расійскай турмы паміраць дома
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары