Заходнія эксперты: Чарнаморскі флот Расіі ператварыўся ў берагавую ахову
Выбухі на расійскіх вайсковых базах у Крыме і атакі ўкраінскіх беспілотнікаў на штаб Чарнаморскага флоту ў Севастопалі падрываюць планы Расіі ў атацы на поўдзень Украіны. Чарнаморскі флот перастаў адыгрываць важнае значэнне ў захопніцкіх планах, кажуць вайсковыя аналітыкі і чыноўнікі.
Развал моцы флоту адбыўся нечакана. Быў патоплены флагманскі крэйсер «Масква» і яшчэ некалькі суднаў, у выніку чаго флот пазбавіўся значнай агнявой моцы. Расійскім войскам прыйшлося пакінуць востраў Змяіны — не толькі сімвал украінскага супраціву, але і самую блізкую кропку да Адэсы, а таксама плацдарм, з якога можна было б падтрымаць наступленне.
9 жніўня на аэрадроме Сакі, больш чым за 200 км ад перадавых украінскіх пазіцый, было знішчана восем ці дзевяць баявых самалётаў. «Калі можна ўдарыць па Саках і Севастопалі, гэта ўсё мяняе, — сказаў The Wall Street Journal Джон Спенсар, дырэктар па вывучэнні ваенных дзеянняў у гарадскіх умовах Madison Policy Forum. — Гэтыя ўдары падрываюць забеспячэнне, аператыўнае кіраванне і ў канчатковым выніку магчымасці самага Чарнаморскага флоту».
Па словах заходняга чыноўніка, пасля ўдараў Чарнаморскі флот у асноўным уяўляе з сябе флатылію для берагавой абароны, якая зрэдку наносіць ракетныя ўдары. Панесеныя страты таксама практычна пазбаўляюць Расію шанцаў арганізаваць высадку марскога дэсанту ў Адэсе, сказаў ён.
Апошнія ўдары разам з стратай «Масквы» прымусілі флот перайсці да абарончай тактыкі і трымацца крымскага берага, заявіла Міністэрства абароны Вялікабрытаніі. Бяспеку флоту забяспечвалі радары і самалёты, а паколькі цяпер яна падарваная, то ваеначальнікі могуць думаць пра тое, каб перабазаваць астатнія караблі кудысьці яшчэ, лічыць Спенсар.
Цяпер чытаюць
Арыштаваны міністр прыродных рэсурсаў выбраў «стратэгію Брыло»2
Арыштаваны міністр прыродных рэсурсаў выбраў «стратэгію Брыло»
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»2020
Каментары