КНДР адказала Лукашэнку: ніякіх запрашэнняў яму не дасылалі, гэта ён дамагаецца сустрэчы
Кім Ё Чжон, сястра кіраўніка КНДР, рэзка адказала Аляксандру Лукашэнку, які днямі заявіў, што КНДР, сярод іншых краін, накіравала Беларусі свае прапановы аб арганізацыі сустрэч на вышэйшым узроўні.
Кім Ё Чжон звяртае ўвагу, што з паведамлення ТАСС можна зрабіць выснову, што гэта КНДР прапанавала правесці сустрэчу ў Мінску.
«Наколькі я ведаю, такога няма», — паведамляе намесніца кіраўніка ЦК Працоўнай партыі Карэі.
Яна запэўнівае, што гэта не КНДР, а Беларусь просіць пра сустрэчу.
«Я добра ведаю, што беларускі бок ужо як мінімум два гады шчыра разлічвае на кантакты з КНДР на высокім узроўні», — цытуе Кім Ё Чжон ЦТАК.
Кім Ё Чжон фактычна вінаваціць Лукашэнку ў хлусні.
«Калі вы спадзяецеся на развіццё супрацоўніцтва з намі, важна выразна пазначыць свае намеры. Я лічу, што праўдзівасць і сумленнасць павінны быць у двухбаковых адносінах паміж краінамі», — патрабуе праўдзівасці паўночнакарэйская кіраўнічка.
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў95
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары