«Узровень агітацыі ніякі». Дзяржаўная служачая расказала пра атмасферу напярэдадні выбараў
Жыхарка Гомельскай вобласці, якая працуе ў дзяржсектары, падзялілася з выданнем «Флагшток» уражаннямі пра сітуацыю напярэдадні выбараў 26 студзеня.
21 студзеня пачынаецца датэрміновае галасаванне, а да гэтага чыноўнікі, прапагандысты і праўладныя актывісты праводзілі агітацыю, у тым ліку ў працоўных калектывах: пераконвалі прыйсці на ўчасткі і зрабіць «правільны выбар».
«У нашым выканкаме мерапрыемствы праводзіліся дробныя. Напрыклад, рабілі нейкі сход з падарункамі ў чырвона-зялёнай палітры для «актывістаў». Але астатнія над імі пасмяяліся. Такіх сходаў, як, напрыклад, у 2020-м, калі зганялі ўсе структуры на «размовы з дэпутатамі» і кіраўнікамі розных ведамстваў, не было. Усё пакуль без ціску. Хутчэй за ўсё, перад самымі «выбарамі» ўсіх сілай пагоняць», — расказала Людміла (імя ў мэтах бяспекі зменена).
У той жа час суразмоўца адзначае, што ўлады могуць і гэтага не зрабіць, улічваючы «ўзровень пафігізму», які характарызуе цяперашнюю кампанію:
«Магчыма, абмяжуюцца толькі чуткамі, што звольняць усіх, хто не прагаласуе. Ужо звальнялі за апошні «рэферэндум», таму думаю, што людзі самі строем пойдуць. Але ў цэлым узровень агітацыі ніякі. Яны нават і выгляд сапраўдных выбараў імітаваць не імкнуцца».
Пры гэтым фармальнасці выконваюцца: знаёмы суразмоўцы, сябра ўчастковай камісіі, «кожны дзень там тырчыць»:
«Насамрэч спісы правяраюць, запрашэнні пішуць. Мне прыйшло таксама, і ўвесь пад'езд людзі імі закідалі. Яшчэ розныя плакаты, банеры і іншае развешвалі, але гэта нават у вочы не кідаецца».
Людміла падсумавала, што ўлады «забілі болт» на агітацыю, і «людзі таксама болт забілі, разумеючы, што пакуль не час для актыўнасці».
Па выніках кампаніі яна чакае дэманстрацыі «рэкордных паказчыкаў» — празмерна завышаных працэнтаў тых, хто нібыта прагаласаваў за Лукашэнку.
Перад выбарамі на 10% павысяць пенсіі
Назіраць за выбарамі ў Беларусь прыедзе швейцарац, якога на радзіме судзілі за фальсіфікацыю выбараў
«Не кантачце з экстрэмістамі». Як людзі праходзяць праз перадвыбарчыя праверкі сілавікоў
Міліцыя ў Гомельскай вобласці стала хадзіць па кватэрах украінцаў
У Мазыры на час «выбараў» ізалявалі праваабаронцу Уладзіміра Целепуна
Праўладны «марафон адзінства» скончыцца перадвыбарчым канцэртам на «Мінск-Арэне»
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары14
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары