Мытня Літвы узмоцніць агляд фураў на мяжы з Беларуссю, бо шмат хто абыходзіць санкцыі
Мытня Літвы анансавала ўзмацненне працэдуры надгляду вялікагрузаў на мяжы на фоне кантролю за выкананнем санкцый Еўразвязу супраць Беларусі і Расіі. Такое рашэнне звязана з пастаяннымі спробамі некаторых перавозчыкаў абысці абмежаванні.
«Мяркуецца ўцягнуць у працэс праверкі большую колькасць службовых асоб мытні, а ў выпадку неабходнасці для аказання ім дапамогі будуць прыцягвацца супрацоўнікі іншых дзяржустаноў», — паведаміла ведамства.
Асабліва старанна, як адзначаецца, будуць правяраць тых, хто ўжо рабіў спробы абысці санкцыі. Гэта тычыцца адпраўнікоў грузаў, іх атрымальнікаў і, зразумела, саміх перавозчыкаў. Дадзеныя катэгорыі асоб цяпер будуць у зоне высокай рызыкі.
Па словах Даруса Жвіронаса, кіраўніка мытнай службы Літвы, колькасць спробаў абысці ўстаноўленыя ЕС абмежаванні не памяншаецца, таму ведамству даводзіцца рабіць дадатковыя меры ўздзеяння. Так, з 1 сакавіка 2022 года літоўскім мытнікам больш за 3000 разоў даводзілася перарываць працэдуры імпарту, экспарту або транзіту грузаў з-за розных парушэнняў.
За гэты перыяд часу звыш 1200 фураў з Беларусі і Расіі не ўпусцілі на тэрыторыю Еўрасаюза.
Музыка Цім Суладзэ: Розніца 30 гадоў — тое, што адпавядае маім уяўленням пра адносіны41
Каментары