29-гадовы Максім Валадзько збіраецца прадстаўляць каманду «Санта-Калома», гадавы бюджэт якой ўсяго 130 тысяч еўра, піша Tribuna.com. У рэйтынгу ФІФА Андора займае 156-е месца (Беларусь — 96-е).
Васьміразовы чэмпіён Беларусі па футболе пакінуў БАТЭ і стане першым беларускім легіянерам у Андоры — футбольным «карліку». Прытым ягоны новы клуб у гэтай краіне нават не наймацнейшы, у мінулым чэмпіянаце ён заняў пятае месца. Але і гэта ўжо лепей, чым беларускі чэмпіянат, які цяпер масава пакідаюць хоць бы трохі кваліфікаваныя гульцы.
Валадзько пакінуў барысаўскі БАТЭ, за які выступаў з 2009 года (з невялікім перапынкам у 2019—2021, калі з'язджаў у Расію), 1 жніўня. У гэтым сезоне ён правёў сем матчаў у чэмпіянаце Беларусі, выніковымі дзеяннямі не адзначыўся.
Стала вядома пра арышт былога дырэктара «Беллакта»2
Каментары