Лукашэнка сёння на нарадзе з даверанымі асобамі, пракаментаваў заклікі дэмакратычнай супольнасці галасаваць супраць усіх падчас прэзідэнцкіх выбараў, паведамляе «Пул першага».
«Вядома, нашы збеглыя ўжо настроілі Захад. Вы і самі бачыце іх палітыку: «Галасуем супраць усіх» (сказаў тры словы па-беларуску — НН)», — сказаў ён.
«Яшчэ галасаванне не пачалося, можа, хтосьці знімецца з гэтай дыстанцыі і гэтак далей, а ўжо «супраць усіх». Яшчэ не пачулі, пра што гэтыя кандыдаты будуць казаць, не — «супраць усіх». Але гэта іх справа, іх права заяўляць. З-за мяжы лёгка вякаць. Трэба прыязджаць сюды і ўдзельнічаць у выбарах. Як прыехаць — на гэтае пытанне ўжо некалькі разоў адказвалі.
Ніякага здзеку, ніякіх палітвязняў у нас няма. Не збіраюся я там як прэзідэнт ціснуць на кагосьці. Гэта перадвыбарная кампанія, гэта выбары — тут людзі павінны вырашаць усё так, як яны палічаць патрэбным. Ужо потым, як я казаў, прабачце, абралі — давайце будзем працаваць», — сказаў Лукашэнка.
Паводле праваабарончай супольнасці, у Беларусі па стане на 3 студзеня ў турмах, СІЗА і калоніях было 1265 палітвязняў.
У Рагачове тры школьніцы збілі 11-гадовага хлопчыка, сцягнулі з яго трусы і імітавалі сэкс9
Каментары