ISW: Украінскі контрнаступ пагаршае расійскія магчымасці на акупаваным поўдні краіны
Амерыканскі інстытут вывучэння вайны (ISW) апублікаваў зводку за панядзелак, вось яе галоўныя пункты.
Украінскі контрнаступ адчувальна падрывае лагістычныя і адміністрацыйныя магчымасці Расіі на акупаваным поўдні Украіны.
Расейскія сілы правялі наземныя атакі на ўсход ад Северска, на паўночны ўсход і поўдзень ад Бахмута, а таксама ўздоўж паўночна-заходняй ускраіны Данецка.
Украінскія сілы працягвалі наносіць удары па расійскіх наземных камунікацыях і лагістычных вузлах у Купянску і Сямёнаўцы да паўднёвы-ўсход ад Харкава.
Геалакацыйныя кадры і зводкі ўкраінскага Генштаба могуць сведчыць аб прасоўванні ўкраінскіх сіл у раёнах Кастрамкі і Безыменнага.
Украінскі спецназ правёў абмежаваную аперацыю супраць базы ФСБ Расіі ў раёне Энергадара.
Расейскія сілы не праводзілі пацверджаных наземных нападаў уздоўж лініі Ізюм — Славянск, працягваючы рэгулярныя абстрэлы. Украінскія войскі дамагліся нязначных поспехаў на паўночны ўсход ад Славянска.
Расійскія войскі працягвалі абстрэлы Харкава і яго ваколіц. Украінскія сілы працягвалі наносіць удары па расійскім лагістычным вузлам на паўднёвы ўсход ад Харкава.
Крэмль зрабіў яшчэ адзін крок да выкарыстання рэгіянальных добраахвотніцкіх батальёнаў для кампенсацыі страт ва Украіне; расейскія ўлады, верагодна, нарошчваюць намаганні па гвалтоўнай мабілізацыі жыхароў акупаванай Украіны.
Запарожская АЭС працягвае працаваць з рызыкай парушэння радыяцыйнай і пажарнай бяспекі. Бакі абвінавачваюць адзін аднаго ў абстрэлах станцыі.
Кіраўнік Запарожскай акупацыйнай адміністрацыі Яўген Баліцкі заявіў, што ягоная адміністрацыя з 5 верасня ўстанавіла абменны курс у акупаванай Запарожскай вобласці на ўзроўні 1,25 рубля за 1 грыўню.
Цяпер чытаюць
Колькасць ахвяр выбуху ў маскоўскім элітным рэстаране на юбілеі генерала, які камандаваў наступам на Кіеў з Беларусі ў 2022-м, вырасла да пяці чалавек44
Каментары