Індыйскі мільярдэр абагнаў уладальніка Amazon і стаў другім найбагацейшым чалавекам у свеце
Індыйскі мультымільярдэр Гаўтам Адані абагнаў Джэфа Безаса ў рэйтынгу багачоў Bloomberg Billionaires Index.
«Гаўтам Адані, індыйскі магнат, які сёлета з шалёнай хуткасцю падымаўся па рэйтынгу багацця, абагнаў Джэфа Безоса і стаў другім самым багатым чалавекам у свеце», — піша агенцтва.
Блумберг адзначае, што Адані пачаў год з 14 радка ў індэксе мільярдэраў, але павялічыў сваё багацце да 146,9 мільярда даляраў і цяпер саступае толькі Ілану Маску, чые актывы ацэньваюцца ў 260 мільярдаў даляраў.
Па звестках агенцтва, акцыі флагманскай кампаніі Адані Adani Enterprises Ltd. выраслі да рэкорднага ўзроўню на гэтым тыдні, а акцыі некаторых кампаній яго групы выраслі больш чым на 1000% з 2020 года.
Блумбэрг піша, што Гаўтам Адані стаў першым чалавекам з Азіі, які змог дайсці да такіх высокіх «эшалонаў багацця», у якіх традыцыйна дамінуюць амерыканскія тэхналагічныя магнаты.
Пад кантролем кангламерату, пабудаванага Адані, знаходзяцца найбуйнейшы ў краіне аператар марскіх і паветраных перавозак, найбуйнейшы пастаўшчык газу ў гарады, а таксама найбуйнейшая кампанія па здабычы вугалю. Па словах Блумберга, цяпер кангламерат імкнецца стаць найбуйнейшым у свеце вытворцам аднаўляльнай энергіі.
Цяпер чытаюць
За «экстрэмісцкія» падпіскі пры праверцы на мяжы больш не саджаюць на суткі11
Каментары
такая раптоўная азабочаннасць аднаўляльнай энергіяй некалькі, мякка кажучы, здзіўляе пасля таго, як прачытаеш доўгі спіс ягонага шчыравання на ніве неаднаўляльнай...