Прыём расійскіх аплатных картак «Мир» прыпынілі Арменія, В'етнам і Казахстан
Краіны свету працягваюць адмаўляцца абслугоўваць расійскія карты «Мир», баючыся санкцый з боку ЗША. Банкі Казахстана, В'етнама і Арменіі, якія раней прымалі гэтыя карты, следам за банкамі Турцыі таксама перасталі працаваць з расійскай аплатнай сістэмай.
У прыватнасці, супрацоўнік в'етнамскага BIDV падкрэсліў, што арганізацыя па-ранейшаму абслугоўвае карты VISA, Mastercard, Western Union, JCB, UnionPay, аднак плацежная сістэма «Мир» у пераліку не згаданая.
У Народным банку Казахстана («Халык банк») таксама паведамілі, што больш не прымаюць расійскія карты. У кол-цэнтры банка растлумачылі, што гэта тычыцца і тэрміналаў, і банкаматаў. Разам з тым, банк у стандартным рэжыме ўсё яшчэ абслугоўвае карты «Мир» пры аплаце пакупак і паслуг.
Акрамя таго, 21 верасня абслугоўванне картак «Мир» таксама прыпыніла Арменія. Паводле звестак СМІ краіны, у трымальнікаў картак не атрымліваецца абнаявіць сумы ў банкаматах.
У Цэнтрабанку Арменіі патлумачылі, што камерцыйныя крэдытныя арганізацыі самастойна прымуць пастановы на фоне паведамленняў пра санкцыі.
Чытайце таксама:
Найбуйнейшыя турэцкія банкі перасталі працаваць з расійскімі картамі «Мир»
Цяпер чытаюць
«Я больш не анархіст». Мікола Дзядок — пра турму, Бога і расчараванне ў ідэалогіях28
Каментары