Мужчына зладзіў страляніну ў прыватным сектары Лепеля, каб не аддаваць доўг
У прыватным сектары Лепеля мужчына зладзіў страляніну, каб не аддаваць доўг у 100 даляраў знаёмаму, паведамілі ў аддзяленні інфармацыі і грамадскіх сувязяў УУС Віцебскага аблвыканкама.
Падзеі сталі развівацца ў ноч на 8 кастрычніка. У Лепельскі РАУС прыйшоў мясцовы жыхар і расказаў пра страляніну, якая адбылася некалькі хвілін таму. Агонь проста ля ягонага дома адкрыў 27-гадовы непрацуючы знаёмы, які быў вінаваты пацярпеламу 100 даляраў.
Раней у той жа дзень мужчына запатрабаваў вяртання сваіх грошай, але атрымаў адмову. Замест сустрэчы з крэдыторам даўжнік з’ехаў у Чашнікі на застолле да прыяцеля. Чарговы званок пацярпелага моцна раззлаваў лепельца, у выніку зламыснік выклікаў суразмоўцу на размову, а па дарозе заехаў за стрэльбай са схованкі.
Стралок прыехаў да патрэбнага дома, стрэліў некалькі разоў, пасля чаго зноў адправіўся да знаёмага ў Чашнікі, дзе і быў затрыманы супрацоўнікамі АМАП і крымінальнага вышуку.
Вядома, што на зваротным шляху зламыснік пашкодзіў машыну, на якой ездзіў да крэдытора, і схаваў стрэльбу каля дачнага дома маці.
За хуліганства ў дачыненні да мужчыны распачатая крымінальная справа. Фігуранта могуць пазбавіць волі на тэрмін да 10 гадоў.
-
У Пружанах са стралянінай затрымлівалі кіроўцу без правоў
-
«Дзяўчына недзе праз сем секунд ужо пікіравала без пілота». Сябар дэльтапланерыста, які разбіўся ў Строчыцах, расказаў, што прывяло да трагедыі
-
«Парваў сабе дыяфрагму і кішкі, наноў вучыўся хадзіць». Унук аўтара «Калыханкі» Васіля Раінчыка распавёў, як трапіў у страшную аварыю
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары