ISW: Прыгожын хоча выслужыцца перад Пуціным, а «Вагнер» — узяць верх над Мінабароны Расіі
Прыватная ваенная кампанія «Вагнер» спрабуе зацвердзіць перавагу над Міністэрствам абароны Расіі, а заснавальнік ПВК бізнэсмен Яўген Прыгожын хоча выслужыцца перад прэзідэнтам РФ Уладзімірам Пуціным і вылучыць сілы «Вагнер» сярод звычайных сіл МА.
Амерыканскі Інстытут вывучэння вайны ў сваім аналізе спасылаецца на відэа, апублікаванае ў сацыяльных сетках 13 кастрычніка. На кадрах вайскоўцы 126-й брыгады берагавой аховы Чарнаморскага флота ў Херсонскай вобласці скардзяцца, што яны ваююць у гэтым раёне з самага пачатку вайны без перапынкаў і ратацыі войскаў.
Вайскоўцы сцвярджаюць, што іх ціснуць украінскія войскі, і падкрэсліваюць, што ў іх адзін БТР на 80 чалавек, што моцна абмяжоўвае іх манеўранасць.
Пасля распаўсюджвання відэа 14 кастрычніка ў тэлеграм-канале «Вагнер» з'явілася паведамленне аб тым, што кіраўніцтва ПВК вырашыла перадаць чатыры пазадарожнікі 126-му батальёну берагавой аховы ў падтрымку іх намаганняў па ўтрыманні лініі фронту ў Херсонскай вобласці.
Як зазначаецца, перадача базавага абсталявання атраду звычайных расійскіх сухапутных войскаў можа быць схаванай крытыкай відавочнай няздольнасці Мінабароны Расіі забяспечыць прадметамі першай неабходнасці сваіх уласных салдат.
Цяпер чытаюць
Што вядома пра жанчыну, якая загінула ў аўтобусе, што вёз беларускіх футбалістаў-школьнікаў у Геленджык?18
Каментары