Пра гэта з фота і відэа паведамляюць расійскія СМІ і тэлеграм-каналы. Гаворка ідзе пра вайсковы самалёт Су-34, пілот з якога паспеў катапультавацца.
Расійскі самалёт Су-34 з боекамплектам на борце абрынуўся ля жылога дома 20/1 на Камуністычнай вуліцы ў Ейску. Пасля гэтага загарэлася самалётнае паліва, агонь перакінуўся на будынак, а на месцы крушэння знішчальніка пачалася дэтанацыя боекамплекта.
Па звестках Мінабароны Расіі, Су-34 упаў пры наборы вышыні падчас «навучальнага палёту». Прычынай катастрофы стала загаранне аднаго з рухавікоў.
З афіцыйнага паведамлення Мінабароны вынікае, што лётчыкі паспелі катапультавацца і далажыць аб тым, што адбылося.
З-за дэтанацыі боекамплекту пажарнікі не адразу змаглі наблізіцца да падпаленага будынка. Зараз агнём ахоплена каля дзвюх тысяч квадратных метраў, пашкоджана як мінімум 15 кватэр.
Пра ахвяраў і пацярпелых пакуль інфармацыі няма.
Каментары