Лукашэнка падпісаў закон аб ліцэнзаванні дашкольнай і школьнай адукацыі
Аляксандр Лукашэнка падпісаў закон «Аб ліцэнзаванні», які ў тым ліку прадугледжвае ліцэнзаванне дашкольнай і школьнай адукацыі. Нормы аб атрыманні ліцэнзіі дзяржаўнымі дзіцячымі садкамі і школамі ўступяць у сілу пасля афіцыйнага апублікавання закона, астатнія палажэнні — з 1 студзеня 2023 года.
«Адукацыйная дзейнасць патрабуе павышанага кантролю з боку дзяржавы, бо звязаная з фарміраваннем здаровай, ідэалагічна ўстойлівай і рознабакова развітай асобы. Ліцэнзаванне гэтай дзейнасці стане гарантам законнасці і якасці паслуг, якія аказваюцца, дазволіць ацаніць арганізацыю адукацыйнага працэсу і не дапусціць з'яўлення ў сферы адукацыі суб'ектаў гаспадарання, якія пераследуюць выключна камерцыйныя мэты на шкоду дзяржаве і асобы», — паведамляе прэс-служба Лукашэнкі.
Тэрміны звароту за атрыманнем ліцэнзій будуць вызначацца Міністэрствам адукацыі. Ліцэнзаванне адукацыйных устаноў ускладзена на Мінгарвыканкам, гарадскія і раённыя выканкамы.
Яшчэ да прыняцця гэтага закона ў Беларусі была амаль знішчаная прыватная адукацыя, за апошні месяц многія недзяржаўныя ўстановы рознымі праверкамі змусілі закрыцца. Фармальнай падставай стаў інцыдэнт у адной са сталічных школ, дзе ў выпадку няшчаснага выпадку была параненая дзяўчынка, але Лукашэнка ў сваіх пазнейшых заявах асабліва і не хаваў, што прычыны рэпрэсій супраць прыватнай адукацыі — ідэалагічныя.
Чытайце таксама:
МНС і санстанцыя падалі пазовы аб прыпыненні працы чатырох прыватных школ
«Днём я хадзіў па парку і роў бялугай». Мінчук расказаў, як яго сям'я перажывае закрыццё прыватнай школы
За тыдзень у Беларусі закрыліся 8 прыватных школ, яшчэ 12 атрымалі прадпісанні аб спыненні дзейнасці
Сарваны пачатак навучальнага года — прыватныя школы завалілі праверкамі
Цяпер чытаюць
Расійскія прапагандысты выдумалі ўдар дрона па турыстычным аўтобусе. Але ў гісторыі ёсць загадкавыя фуры1
Каментары