Брытанскія і французскія навукоўцы стварылі новую прыладу для барацьбы з тараканамі — нейрасетку, якая наводзіць на казурак прамень лазера і знішчае іх. Забойства таракана займае ўсяго секунду, піша N+1.
Нейрасетку YOLOv4 навучылі адрозніваць у кадры тараканаў. Затым яе падключылі да камер, якія транслююць відэа ў прамым эфіры. Калі ў аб'ектыў трапляе таракан, прылада вызначае яго месцазнаходжанне і перадае каманду лазеру і люстэрку. Дакладнасць выяўлення казурак — адзін сантыметр на адлегласці дзесяць метраў.
Лазерны прамень знішчае таракана за секунду. Але часам ён можа патрапіць у ягоныя канечнасці — тады ў казуркі ёсць шанец збегчы. А вось паражэнне іншых частак цела звычайна смяротнае. У эксперыментах бралі ўдзел 150 прусакоў.
Аднак наўрад ці варта выкарыстоўваць такі лазер дома. Выніковасць прылады высокая, але лазер небяспечны для людзей — ад яго могуць пацярпець іх вочы.
Цяпер чытаюць
Міністр унутраных спраў Літвы абураны перавозчыкамі: Пасля паездкі ў Беларусь яны вяртаюцца з прамытымі мазгамі14
Міністр унутраных спраў Літвы абураны перавозчыкамі: Пасля паездкі ў Беларусь яны вяртаюцца з прамытымі мазгамі
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2222
Каментары
Навучылі б чаму добраму, а то во табе, толькі-толькі стварылі тыя нейрасеткі, і першаму, чаму навучылі, гэта забіваць... Ну, людзі, такія людзі, што зь іх возьмеш...