Беларускага шпіёна ў Латвіі асудзілі на восем гадоў. Ён фатаграфаваў важныя аб'екты
Рыжскі гарадскі суд 28 кастрычніка прысудзіў грамадзяніна Беларусі да васьмі гадоў пазбаўлення волі за шпіянаж на карысць беларускай вайсковай разведкі.
Грамадзяніна Беларусі па падазрэнні ў шпіянажы 15 лютага затрымала Служба дзяржбяспекі Латвіі (СДБ) сумесна з разведкай.
Спецслужбы высветлілі, што ён таемна фатаграфаваў і здымаў на відэа аб'екты латвійскай абароннай сістэмы, крытычнай інфраструктуры электразабеспячэння, а таксама важныя аб'екты грамадзянскай інфраструктуры па даручэнні беларускай ваеннай разведкі.
Усяго беларусу ўдалося здабыць інфармацыю як мінімум пра 17 аб'ектаў дзяржаўнага значэння.
Па ацэнцы СДБ, інфармацыя можа прадстаўляць важнасць як для беларускіх, так і для расійскіх вайскоўцаў. Напрыклад, даныя могуць быць выкарыстаны ў выпадку магчымага ваеннага канфлікту з НАТА, у тым ліку з Латвіяй, для планавання дыверсій або нападаў на ваенныя аб'екты і крытычную інфраструктуру краіны.
Следчыя таксама высветлілі, што затрыманы быў завербаваны і навучаны на тэрыторыі Беларусі. Яго заключылі пад варту і выставілі абвінавачванне ў шпіянажы. 28 кастрычніка адбыўся суд.
Пашпарт Новай Беларусі пачнуць выдаваць з 26 студзеня. Што вядома і як атрымаць?46
Каментары