Ураджэнка Беларусі Анжэла Гадаева стала лаўрэаткай прэміі Women In Leadership («Жанчыны ў кіраўніцтве»), якую ўручае аўстралійская газета Australian Financial Review. Яна перамагла ў намінацыі «Тэхналогіі і тэлекамунікацыі» як прадстаўніца кампаніі WiseTech Global, якая распрацоўвае IT-рашэнні для сферы лагістыкі, піша «Беларусь и мир».
Журы адзначыла яе мэтанакіраванасць і здольнасць самастойна ствараць магчымасці і дасягаць поспеху. Усяго ў конкурсе ўдзельнічалі больш за 1000 жанчын, якія займаюць кіраўнічыя пасады ў розных галінах аўстралійскай эканомікі.
Анжэла Гадаева паходзіць з Беларусі і скончыла Гомельскі дзяржаўны ўніверсітэт імя Францыска Скарыны, дзе вывучала матэматыку і інфарматыку. У Аўстралію яна прыехала без вялікіх сродкаў і з мінімальным веданнем англійскай мовы, падчас перыяду высокага беспрацоўя.
Каб засвоіць мову, яна працавала і ўдзельнічала ў «тэатральным спорце» — імправізацыйных спектаклях. Спачатку працавала лабаранткай у Тэхналагічным універсітэце Сіднея, затым у дзяржаўных і прыватных установах, у тым ліку як IT-менеджар у марской транспартнай кампаніі.
У 2005 годзе далучылася да яшчэ маленькай кампаніі WiseTech. Сёння яна курыруе 14 каманд распрацоўшчыкаў у 13 краінах, а сама кампанія вырасла да 3 500 супрацоўнікаў.
Цяпер чытаюць
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі9
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары