Беларус у Маскве раздушыў самазвалам таксі і ўцёк. 27-гадовага ўраджэнца Калінкавіч шукаюць
Раніцай 11 кастрычніка ў Маскве адбылося страшнае ДТЗ, у якім загінулі кіроўца і пасажырка таксі. Меркаваны віноўнік смяротнага ДТЗ — 27-гадовы грамадзянін Беларусі.
Аварыя адбылася ў цэнтры Масквы на вуліцы 1905 года. Кіроўца таксі спыніўся на прыпынку грамадскага транспарту, каб падабраць пасажырку. Жанчына ледзь паспела сесці ў таксі і закрыць дзверы, як у аўтамабіль на поўнай хуткасці ўрэзаўся вялікагруз.
Момант ДТЗ патрапіў на відэа:
Грузавік у літаральным сэнсе слова ўпячатаў машыну таксі ў аўтобус, які стаяў далей на прыпынку.
Кіроўца і пасажырка таксі загінулі на месцы. Аўтамабіль таксі пасля сутыкнення пераўтварыўся ў груду металалому.
Віноўнік ДТЗ знік з месца здарэння. Расійскія праваахоўнікі мяркуюць, што за стырном грузавіка быў грамадзянін Беларусі 1995 года нараджэння. Паліцыя шукае Вячаслава Піваварава — ураджэнца горада Калінкавічы Гомельскай вобласці.
Каментары