Ня менш як 18 вайскоўцаў арміі Шры-Ланкі загінулі пры выбуху на паўночным захадзе краіны пасьля таго, як паўстанцы абвясьцілі пра спыненьне замірэньня з урадам. Паводле зьвестак ваенных, аўтамабіль, што перавозіў жаўнераў, падарваўся на міне ў раёне Трынкамалі.
Ня менш як 18 вайскоўцаў арміі Шры-Ланкі загінулі пры выбуху на паўночным захадзе краіны пасьля таго, як паўстанцы абвясьцілі пра спыненьне замірэньня з урадам. Паводле зьвестак ваенных, аўтамабіль, што перавозіў жаўнераў, падарваўся на міне ў раёне Трынкамалі.
Некалькімі гадзінамі раней паўстанцкая групоўка «Тыгры вызваленьня Таміл-Ілама» абвясьціла несапраўдным замірэньне з сіламі ўраду.
Падставай для гэтага сталі нядаўнія сутыкненьня паміж ваеннымі і паўстанцамі, што пацягнулі за сабой жыцьці як найменш дзевяці салдат і 35 паўстанцаў.
Прадстаўнік «тамільскіх тыграў» абвінаваціў урад у распальваньні грамадзянскай вайны, канец якой паклала перамір’е 2002 г. Паводле яго , паўстанцы вырашылі нанесьці удар у адказ і аказваць супраціў ваенным шрыланкійскай арміі, калі тыя акажуцца на падкантрольнай
«тамільскім тыграм» тэрыторыі.
Урад сьцьвярджае, што задачай вайскоўцаў было забесьпячэньне вадой і іх місія насіла выключна гуманітарны характар. Улады адмаўляюць спыненьне дзеяньне замірэньне.
Аналітыкі папярэджваюць, што гвалт у Шры-Ланцы можа прывесьці да вяртаньня краіны да стану вайны.
Аднак кіраўнік назіральнікаў ААН у Шры-Ланцы Ульф Хенрыксан кажа , што не чакае сур’ёзнага нарастаньня канфлікту цягам найбліжэйшых месяцаў. Паводле яго словаў, поўнамаштабная вайна ня будзе на карысьць ніводнаму з бакоў. Сёлета ў выніку канфлікту ў Шры-Ланцы загінула каля 800 чалавек.
«Тыгры вызваленьня Таміл-Ілама»з 1983 г. змагаюцца за незалежнасьць для тамільскай этнічнай меншасьці, што пражывае на поўначы і ўсходзе Шры-Ланкі.
Ціханоўская і Зяленскі ўпершыню правялі сустрэчу. Зяленскі запрасіў Святлану ў Кіеў14
Каментары