Кіраўнік Гомельскага КДБ Іван Корж падаў у суд на сваякоў арыштаваных па «паляўнічай справе» міліцыянтаў. Ён патрабуе абвергнуць звесткі, якія нібыта ганьбяць ягоную годнасць.
Кіраўнік Гомельскага КДБ Іван Корж падаў у суд на сваякоў арыштаваных па «паляўнічай справе» міліцыянтаў. Ён патрабуе абвергнуць звесткі, якія нібыта ганьбяць ягоную годнасць.
7 кастрычніка ў судзе Гомельскага раёна адбылася папярэдняя размова адказчыкаў Галіны Баранавай і Аляксандра Малаева з прадстаўніком суда.
Ні Корж, ні ягоны прадстаўнік у суд не прыйшлі. Нягледзячы на тое што Баранава і Малаеў прасілі прызначыць слуханні па іх справе пазней, каб яны паспелі падрыхтаваць хадайніцтвы, разгляд справы пачнецца ўжо ў гэтую пятніцу. Пакуль сваякі міліцыянтаў не збіраюцца ніяк абвяргаць звесткі, якія яны напісалі ў звароце да міжнародных структур.
«Мы будзем апратэстоўваць гэты пазоў. Я лічу, што гэта чарговы ціск на сваякоў усіх, хто зараз праходзіць па гэтай справе, — кажа маці Дзмітрыя Баранава. — У мяне муж на наступны месяц адразу злёг з абшырным інфарктам і практычна стаў інвалідам. Засталася я адна, якая можа хоць нешта зрабіць, неяк абараніць свайго сына».
Як сцвярджае кіраўнік КДБ у сваім пазове, звесткі, якія ганьбяць ягоную годнасць з’явіліся 13 жніўня на сайце «Хартыя’97» у артыкуле «Сваякі арыштаваных міліцыянтаў скардзяцца на дыктатуру».
Нагадаем, што зварот Людмілы Мінянковай, Аляксандра Малаева і Галіны Малаевай быў апублікаваны ўпершыню ў гэтым матэрыяле. У звароце прагучала і прозвішча Каржа ў сувязі з тым, што арыштаваныя міліцыянты вялі праверку ягонай дзейнасці — з гэтага нібыта і пачалася вайна паміж гомельскімі чэкістамі і міліцыяй.
«Я думаю, што ў Каржа з’явіліся нейкія праблемы ў сувязі з гэтымі публікацыям. І яму трэба да суда вырашыць гэту справу», — заявіў у інтэрв’ю «НН» бацька Аляксандра Малаева.
Разгляд самой «паляўнічай справы» прызначаны на 12 кастрычніка. Слуханні пройдуць у закрытым рэжыме.
«НН»: Ці ёсць надзеі, што вашых родных апраўдаюць?
Галіна Баранава: Не ведаю. Як мне намякалі практычна ва ўсіх інстанцыях, гэта залежыць толькі ад адной асобы.
«НН»: Ад якой?
ГБ: Самай галоўнай у нашай краіне.
Цяпер чытаюць
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага20
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу119119
Каментары