Усе фігуранты справы «Рабочага руху» сваю віну ў здрадзе дзяржаве не прызналі
У судзе Гомеля сёння, 10 лістапада, працягваецца разгляд крымінальнай справы ўдзельнікаў «Рабочага руху».
На сённяшнім пасяджэнні падсудным было дадзена права выказаць сваё стаўленне да выстаўленага абвінавачвання.
Усе 10 фігурантаў справы заявілі суду, што сваю віну ў дзяржаўнай здрадзе і стварэнні экстрэмісцкага фармавання не прызнаюць. Абвінавачаны Андрэй Пагерыла пагадзіўся толькі з абвінавачваннем у паклёпе.
У справе налічваецца 38 тамоў, у тым ліку сакрэтны — яго будуць разглядаць асобна.
Фігурантамі расследавання сталі дзесяць чалавек. Сяргей Шэлест, Уладзімір Жураўко і Андрэй Пагерыла абвінавачваюцца паводле арт. 188 (Паклёп), ч. 1 арт. 356 (Здрада дзяржаве), ч. 3 арт. 361-1 (Стварэнне экстрэмісцкага фарміравання і ўдзел у ім) Крымінальнага кодэкса.
Ганна Аблаб, Аляксандр Гашнікаў, Сяргей Дзюба, Ігар Мінец, Валянцін Цераневіч і Сяргей Шамецька — паводле ч. 1 арт. 356 (Здрада дзяржаве), ч. 3 арт. 361-1 (Стварэнне экстрэмісцкага фарміравання і ўдзел у ім) Крымінальнага кодэкса.
Аляксандр Капшуль — паводле ч. 2 арт. 295 (Незаконныя набыццё, захоўванне і перавозка боепрыпасаў), ч. 1 арт. 356 (Здрада дзяржаве), ч. 3 арт. 361-1 (Стварэнне экстрэмісцкага фарміравання і ўдзел у ім) Крымінальнага кодэкса.
Санкцыя самага суровага артыкула абвінавачванняў — здрада дзяржаве — прадугледжвае да 15 гадоў пазбаўлення волі.
«Зразумеў, што затрымаюць і выкінуўся з цягніка». Дзесяцярых беларусаў будуць судзіць за «здраду дзяржаве» — падрабязнасці справы «Рабочага руху»
Першая віцэ-мэр Мінска Надзея Лазарэвіч прайшла праз затрыманне, муж застаўся ў СІЗА11
Каментары
Продаж Беларусі Расеі за нафту-газ і магчымасць кіраваць бязтэрмінова - гэта не здрада дзяржаве?