Зяленскі заявіў аб сотнях ваенных злачынстваў расійскіх салдат у Херсонскай вобласці
У сваім звароце прэзідэнт Украіны паведаміў, што ў Херсонскай вобласці задакументаваныя больш за 400 ваенных злачынстваў пасля адыходу расійскіх войскаў, праваахоўныя органы выяўляюць на вызваленых тэрыторыях целы забітых — і цывільных, і вайскоўцаў.
«У Херсонскай вобласці расійскае войска пакінула пасля сябе такія ж зверствы, як і ў іншых рэгіёнах нашай краіны, куды змагла зайсці. Знойдзем і прыцягнем да адказнасці кожнага забойцу», — сказаў Зяленскі.
Зяленскі папярэдзіў жыхароў Херсонскай вобласці, што сітуацыя ў рэгіёне застаецца небяспечнай з-за мініравання тэрыторыі. Паводле яго слоў, падчас размініравання загінуў адзін сапёр і яшчэ чацвёра атрымалі раненні.
Каментары