У Мінску асудзілі за хабар дырэктара праектна-даследчага інстытута
У Мінску асудзілі 58‑гадовага дырэктара аднаго з праектна-даследчых інстытутаў за атрыманне вялікага хабару. Ён займаў гэтую пасаду з 2017 года і выконваў арганізацыйныя, адміністрацыйныя і гаспадарчыя абавязкі, піша агенцтва «Мінск-Навіны».
Увесну 2021 года кіраўнік інстытута дазволіў новай фірме прыватнага прадпрыемства ўдзельнічаць у конкурсах інстытута і падтрымліваў яе інтарэсы, атрымліваючы за гэта незаконнае ўзнагароджанне ў памеры 24 тысяч рублёў. Яго затрымалі падчас перадачы апошняй часткі хабара ў 5 тысяч рублёў.
Суд прызнаў яго вінаватым па ч. 2 ст. 430 КК і пакараў 3,5 гадамі пазбаўлення волі са штрафам у 42 000 рублёў і забаронай займаць арганізацыйныя і адміністрацыйныя пасады на 5 гадоў.
Па ч. 2 ст. 77 КК выкананне тэрміну пазбаўлення волі адтэрмінавана на 3 гады, пры гэтым абвінавачаны павінен рэгулярна рэгістравацца ў інспекцыі, не мяняць месца жыхарства без дазволу і не выязджаць з горада па асабістых справах больш за месяц.
Вынесены прысуд начальніцы з Аршанскай санстанцыі за хабары. Яна давала станоўчыя заключэнні па прадуктовых крамах, дзе было брудна
Канфіскацыя маёмасці ў сваякоў, паліграф і раздача кантрольных хабараў — у пракуратуры тры новыя ідэі для барацьбы з карупцыяй
Вынеслі прысуды тром карупцыянерам з кіраўніцтва Беларускай чыгункі
За кратамі памёр «Чалавек года Віцебшчыны-2021»
Каментары