Як цэнтралізацыя ЕС адаб’ецца на адносінах Еўрасаюза з Беларуссю? Адказвае Стэфан Эрыксан, пасол Швецыі ў Беларусі.
Як цэнтралізацыя ЕС адаб’ецца на адносінах Еўрасаюза з Беларуссю? Адказвае Стэфан Эрыксан, пасол Швецыі ў Беларусі.
Стэфан Эрыксан: Не зусім ясная сітуацыя з Лісабонскім пагадненнем нарэшце пачала вырашацца, і гэтаму паспрыяла правядзенне рэферэндуму ў Ірландыі.
СЭ: Няпэўнасць была нядобрай як для самой Еўропы, так і для Беларусі — найбліжэйшага суседа і гандлёвага партнёра. Цяпер можна спадзявацца, што замежная палітыка Еўрасаюза стане больш скаардынаванай і паслядоўнай, што ўнясе большую пэўнасць і ў адносіны з Беларуссю.
«Наша Ніва»: Ці не будзе цэнтралізацыя Еўрасаюза замінаць самаідэнтыфікацыі кожнай асобнай краіны?
СЭ: З цягам часу ўсе краіны ЕС добраахвотна прыйшлі да высновы, што для больш эфектыўнага вырашэння агульных праблем ва ўмовах глабалізацыі проста неабходна стварыць супольныя структуры. Еўрасаюз — гэта супольнасць з 27 краін, якая ні ў якім разе не адмяняе самабытнасць і ўнікальнасць кожнай з іх, а толькі дапамагае вырашыць тыя праблемы, якім краіны не здольныя даць рады паасобку.
«НН»: Цэнтралізацыя ЕС можа выклікаць перастаноўку сіл паміж Еўрасаюзам і такімі буйнымі дзяржавамі як ЗША і Расія?
СЭ: Асноўная задача цэнтралізацыі Еўрасаюза — удасканаліць унутраныя механізмы функцыянавання гэтай даволі складанай супольнасці. Канешне, ёсць спадзяванне на эканамічнае і палітычнае ўзмацненне нашых краін, аднак такой мэты, як змена геапалітычнай расстаноўкі сіл, мы непасрэдна не пераследуем.
Цяпер чытаюць
«Вы ашалелі! Колькі мы трацім грошай!» Лукашэнка даручыў зменшыць асвятленне на вуліцах3
Каментары