Мінабароны сёння заявіла, што мілітарызацыя Польшчы паказвае на падрыхтоўку Варшавы да наступальнай вайны
Пра гэта распавёў намеснік начальніка Генеральнага штаба Узброеных Сіл па баявым кіраванні генерал-маёр Валерый Гнілазуб падчас сустрэчы з працоўнымі калектывамі Бабруйска па актуальных пытаннях ваенна-палітычнай абстаноўкі.
Па словах Гнілазуба, разгорнутыя ў сумежных краінах фарміраванні НАТА могуць стаць асновай для стварэння ўдарных груповак супраць Расіі і Беларусі як яе найбліжэйшага саюзніка.
«У інтарэсах гэтага з мэтай пашырэння магчымасцяў па прыёме і размяшчэнні воінскіх фарміраванняў аб'яднаных узброеных сіл НАТА на тэрыторыі сумежных дзяржаў ўдарнымі тэмпамі развіваецца ваенная інфраструктура. Сёння практычна завершана мадэрнізацыя большасці аэрадромаў Польшчы і краін Балтыі, што забяспечвае базаванне на іх да 200 баявых самалётаў», — сцвярджае вайсковец.
Гнілазуб таксама заявіў, што ўдарнымі тэмпамі ідзе мілітарызацыя суседніх дзяржаў, перш за ўсё Рэспублікі Польшча.
«Гэта палітычны курс, які відавочна паказвае на падрыхтоўку Варшавы да вайны, прычым не абарончай, як гэта спрабуе прадставіць польскае вайскова-палітычнае кіраўніцтва. Не выпадкова яно плануе павысіць ваенныя расходы да ўзроўню не менш за 3% ад ВУП і давесці колькасць нацыянальных узброеных сіл да 300 тысяч чалавек. У рамках выканання агучаных планаў па павелічэнні узброеных сіл Польшчы пачалася падрыхтоўка па фарміраванні не адной, а двух дадатковых механізаваных дывізій сухапутных войскаў. Пры гэтым размяшчацца дадатковая дывізія будзе ва ўсходняй частцы краіны, побач з Беластокам», — падкрэсліў вайсковы начальнік.
Цяпер чытаюць
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»12
Каментары