У Магілёўскім інстытуце МУС будуць нагадваць пра наяўнасць ворагаў голасам Сталіна
Магілёўскі інстытут МУС замовіў для сваёй музейнай выставы аўдыясістэму, якая будзе гаварыць голасам Іосіфа Сталіна.
«Мы имеем врагов внутренних. Мы имеем врагов внешних. Об этом нельзя забывать, товарищи, ни на одну минуту», — будуць чуць голас з моцным грузінскім акцэнтам наведвальнікі музейнай экспазіцыі ў інстытуце, калі падымуць тэлефонную трубку, размешчаную побач з бюстам савецкага дыктатара. Бюст, дарэчы, у інстытуце ўжо ёсць, набываць яго не плануюць.
Бюст Сталіна і яго голас, які можна пачуць праз тэлефон, з'яўляюцца часткай аб'екта «Утварэнне беларускай міліцыі і дзейнасць у даваенны перыяд». Акрамя гэтага, магілёўскія міліцэйскія педагогі плануюць падрыхтаваць аб'ёмную дыяраму «Гісторыя цялесных пакаранняў у Расійскай імперыі» і аб'ёмную дыяраму ці інсталяцыю «Грамадзянская вайна. Барацьба з бандытызмам у 20-я гады ХХ стагоддзя».
Усяго на стварэнне гэтай выставы хочуць выдаткаваць 19 тысяч рублёў.
Цяпер чытаюць
«Дыялект падазроны». Спявак Сярога прыйшоў на расійскае рэаліці і сабраў усіх хэйтараў6
Каментары