У Гродне ліквідуюць праз суд пошукава-выратавальны атрад, які дапамагаў шукаць зніклых людзей
У Гродзенскім абласным судзе ліквідуюць пошукава-выратавальны атрад «Ангел Северо-Запад», які дапамагаў шукаць зніклых людзей. Заява аб ліквідацыі грамадскага аб’яднання пададзена Галоўным упраўленнем юстыцыі Гродзенскага аблвыканкама, паседжанне прызначанае на 25 лістапада.
Арганізацыя была зарэгістраваная ў Смаргоні і дзейнічае з 2015 года.
Увесь гэты час атрад дапамагаў МНС і міліцыі ў пошуку людзей, якія зніклі ці недзе згубіліся. Валанцёры распаўсюджвалі інфармацыю ў інтэрнэце, расклейвалі арыенціроўкі, выязджалі на гарадскія і лясныя пошукі.
Сярод іншага восенню 2017 года атрад дапамагаў шукаць 11-гадовага Максіма Мархалюка з вёскі Новы Двор Свіслацкага раёна, які прапаў у Белавежскай пушчы. 16 верасня хлопчык адправіўся ў лес у грыбы, і з таго часу яго ніхто не бачыў.
У маштабнай пошукава-выратавальнай аперацыі, якая праходзіла на тэрыторыі некалькіх краін, бралі тады ўдзел тысячы чалавек, у тым ліку валанцёры атрада «Ангел Северо-Запад», але знайсці дзіця так і не ўдалося.
Цяпер чытаюць
Вазіў натаўцаў у Афганістан і скідваў гуманітарку ў Судане, а потым трапіў у турму па даносе сябра з Украіны3
Каментары