Пры будаўніцтве тунэля паміж новымі станцыямі метро раку Свіслач пусцяць па новым рэчышчы
Пры будаўніцтве тунэля, які злучае новыя станцыі метро «Пярэспа» і «Прафсаюзная», спатрэбіцца пераадолець водную перашкоду — раку Свіслач. Галоўны інжынер праектаў «Мінскметрапраект» Павел Непачаловіч расказаў, як гэта зробяць, піша тэлеграм-канал ДВА «Мінскбуд».
Па словах спецыяліста, перад тым, як пачнуць будаваць тунэль, раку «перапусцяць». На ўчастку Свіслачы спачатку зробяць водапаніжэнне, а затым усталююць агароджу, якая падзеліць рэчышча на дзве часткі. Адна плынь будзе ісці ў звычайным кірунку, для другой умацуюць адхоны і ўсталююць жалезабетонную пліту 50 см таўшчынёй.
Калі пліта стане трывалай, водны струмень накіруюць на гатовую палову і зоймуцца бетанаваннем другой.
Ад узроўню вады маналітная падушка будзе адступаць дзесьці на паўтара метра. Такім чынам будзе забяспечана абарона перагонных тунэляў ад паступлення вады і прасядання грунту, растлумачыў Павел Непачаловіч.
Як пішуць Мінск-Навіны, пры будаўніцтве першай лініі сталічнага метрапалітэна на ўчастку паміж «Кастрычніцкай» і «Плошчай Перамогі» Свіслач пускалі праз 10 труб дыяметрам 1,2 м, а да гэтага збудавалі земляную дамбу. Тунэль праз рэчышча ракі правялі за 12 дзён.
-
Расіяніну, які п'яным пабіўся з ахоўнікамі мінскага метро, вынеслі лагодны прысуд
-
Латушка пра магчымасць вайны ў Беларусі: Гэта ж вар'яцтва, не ўяўляю, як крамлёўская прапаганда будзе тлумачыць гэта
-
«Да канца года, спадзяюся, зможам рэалізаваць адну-дзве рэчы». Бабарыка — пра свой новы праект і беларускую мову
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары