Міністр энергетыкі Украіны: Да вечара чацвярга ў дамы ўкраінцаў вернецца святло
Энергетыкі Украіны абяцаюць, што да вечара чацвярга ў дамы ўкраінцаў вернецца электрычнасць. Напярэдадні, з прычыны чарговага масіраванага расійскага ракетнага абстрэлу ў многіх рэгіёнах краіны, уключаючы Кіеў, адбыўся блэкаўт.
Без святла і цяпла засталіся мільёны чалавек і сотні аб'ектаў крытычнай інфраструктуры — бальніцы, аддзяленні рэанімацыі.
Аварыйна ад энергасістэмы былі адключаныя тры атамныя электрастанцыі: Хмяльніцкая, Паўднёва-Украінская і Ровенская, абясточаны большасць цеплавых і гідраэлектрастанцый.
«Да 4 раніцы мы змаглі аб'яднаць энергасістэму, цяпер яна зноў адзіная. Забяспечаныя аб'екты крытычнай інфраструктуры, і мы будзем павялічваць генерацыю. Мы разлічваем, што да вечара будуць працаваць атамныя станцыі, пастаўляць электраэнергію ў сетку, і гэта значна скароціць дэфіцыт», — сказаў Герман Галушчанка, міністр энергетыкі і вугальнай прамысловасці Украіны.
Пашкоджанні энергасістэмы адбыліся таксама ў Адэсе, Харкаве, Дняпры, Львове, Мікалаеве і іншых гарадах.
Са слоў Галушчанкі, пашкоджанні нанесеныя маштабныя, і на аднаўленне спатрэбіцца час.
З пятніцы, калі не будзе новых пашкоджанняў інфраструктуры, Украіна зноў пяройдзе да планавых адключэнняў электраэнергіі, дадаў міністр.
-
Пяскоў: Перамовы Пуціна з Зяленскім магчымыя толькі ў Маскве
-
Мінэнерга Украіны заявіла, што Расія аднавіла ўдары па інфраструктуры. Зяленскі кажа, што мэтанакіраваных удараў не было
-
Прапагандыстка Лебедзева пахвалілася эксклюзівам з Марыупальскага тэатра, які Расія адбудавала з нуля, каб схаваць сляды ваеннага злачынства
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»25
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары