Як паведамлялася раней, чацвёрым падазраваным па справе Аўтуховіча стаў жыхар Гродна Міхаіл Казлоў.
Як паведамлялася раней, чацвёрым падазраваным па справе Аўтуховіча стаў жыхар Гродна Міхаіл Казлоў. Як распавёў “НН” Юры Лявонаў, гэты чалавек вёў расследаванне па скарзе Аўтуховіча на дзеянні ваўкавыскіх чыноўнікаў:
«У 2003 годзе ён быў супрацоўнікам Гродзенскага абласнога аддзялення па барацьбе з арганізаванай злачыннасцю ў чыне падпалкоўніка. Менавіта яму было даручана праводзіць папярэдняе расследаванне па скарзе Аўтуховіча на дзеянні чыноўнікаў Ваўкавыскага раёна, звязаныя з карупцыяй. Наколькі мне вядома, высілкамі Казлова былі здабытыя аператыўныя дадзеныя, якія цалкам пацвердзілі факты, указаныя ў скарзе Аўтуховіча. Менавіта Казлоў ў 2003 годзе перадаў матэрыялы папярэдняга расследавання ў пракуратуру і была заведзеная крымінальная справа».
Цяпер па Ваўкавыскай справе праходзяць чатыры падазраваныя: Мікалай Аўтуховіч, Уладзімер Асіпенка, Аляксандар Ларын і Міхаіл Казлоў. Іх абвінавачваюць ў падпале дома міліцыянта ў Ваўкавыску.
Каментары