За незаконнае пахаванне хатняга гадаванца беларусам пагражае вялікі штраф
У Беларусі за незаконнае пахаванне або ўтылізацыю цела хатняй жывёлы можна атрымаць штраф да 1260 рублёў. Многія ўладальнікі нават не здагадваюцца, што звыклая практыка — закапаць памерлага гадаванца ў двары, на дачы, у лесе ці парку — з’яўляецца парушэннем закона, піша «Мінская праўда».
Паводле беларускага заканадаўства, самастойна хаваць жывёл строга забаронена, незалежна ад месца. Нават калі ніхто спецыяльна не будзе правяраць участак, скарга суседзяў можа стаць падставай для прыцягнення да адказнасці.
Юрысты тлумачаць, што такія дзеянні небяспечныя: пры раскладанні цела могуць забруджвацца глеба і грунтавыя воды, узнікае рызыка распаўсюджвання бактэрый, паразітаў і захворванняў, небяспечных для людзей і іншых жывёл.
Закон «Аб адказным абыходжанні з жывёламі» і ветэрынарна-санітарныя правілы прадугледжваюць, што пахаванне або ўтылізацыя целаў жывёл павінны адбывацца толькі ў спецыяльна прызначаных месцах і па ўсталяваных нормах. Катэгарычна забаронена выкідаць целы жывёл у смеццевыя кантэйнеры, вадаёмы, балоты, лясы або вывозіць іх на палігоны бытавых адкідаў.
Захаванне дапускаецца толькі на спецыялізаваных магільніках для жывёлы, узгодненых з санітарнымі і ветэрынарнымі службамі. Хоць яны ў асноўным прызначаныя для сельскагаспадарчых жывёл, там таксама могуць бяспечна ўтылізаваць целы хатніх гадаванцаў. За парушэнне ветэрынарных патрабаванняў Кодэкс аб адміністрацыйных правапарушэннях прадугледжвае штраф да 30 базавых велічынь.
Пры гэтым у Беларусі пакуль не існуе афіцыйных могілак для хатніх жывёл, а стыхійныя пахаванні лічацца незаконнымі.
Найбольш распаўсюджаным і гуманным законным варыянтам з’яўляецца крэмацыя. Яе праводзяць спецыялізаваныя арганізацыі. Магчымая агульная крэмацыя, калі прах некалькіх жывёл змешваецца, або індывідуальная — з перадачай уладальніку урны з прахам. Некаторыя кампаніі прапануюць увесь комплекс паслуг: эўтаназію, вываз цела, крэмацыю і вяртанне праху.
Пасля гэтага прах можна захоўваць дома, развеяць у памятным месцы, пасадзіць дрэва або ўсталяваць сімвалічны помнік. Каб развітацца з гадаванцам законна, рэкамендуецца зафіксаваць смерць у ветэрынара, выбраць дазволены спосаб утылізацыі, арганізаваць транспартаванне і строга выконваць усе санітарныя і прававыя патрабаванні.
Шпіца ў Слуцку скралі для таго, каб не было сумна іншаму сабаку
У Дзяржынскім раёне кот уратаваў гаспадыню падчас пажару
Баранавіцкая раёнка расказала гісторыю пра кацяня ў слоіку. Міліцыя назвала гэта фэйкам, створаным дзеля хайпу
Сабаку пакінулі на дварэ пры -15°С. Падрабязнасці гучнай гісторыі з Фаніпаля
Цяпер чытаюць
Беларуска распачала чэлендж «40 спатканняў», але ўжо на сярэдзіне не хавае расчаравання ў мужчынах40
Каментары
Гэта брэд, а калі ў лесе памерла якая жывёлы, яна таксама нешта забруджвае? Нічога з лесам не стане, калі там пахаваць жывёлу. Болей за то, аўтар сам кажа, што ніякіх могілак для жывёл не існуе ў краіне.