Джэфры Эпштэйн некалькі разоў атрымліваў візу ў Беларусь. І дакладна наведваў нашую краіну
Разам са сваёй каханкай, беларускай Карынай Шуляк скандальна вядомы амерыканскі фінансіст наведваў яе бацькоў, даведалася са свежавыкладзеных «файлаў Эпштэйна» «Еўрарадыё». З раней апублікаваных дакументаў вынікала, што мільянер некалькі разоў пераводзіў ім грошы.
У візавай анкеце Эпштэйн пазначаў адрас Koritskogo, 8 — мінскі адрас сям'і Шуляк. Як пісала ў адным з лістоў сама дзяўчына, яны планавалі спыніцца ў яе family house. З ліставання за 2018 вынікае, што тады яны спыняліся ў Marriott.
У адным з лістоў памочнік Эпштэйна скардзіўся, што беларускі консул даў уплывоваму мільянеру візу не на год, а на два месяцы.
Фінансіста Джэфры Эпштэйна абвінавачвалі ў гандлі людзьмі з мэтай іх сэксуалізаванай эксплуатацыі. Паводле версіі следства, бізнэсмен атрымліваў сэксуальныя паслугі ад непаўналетніх дзяўчат і «пазычаў» іх уплывовым людзям.
У 2008 годзе ён прызнаў віну па справе аб падбухторванні да прастытуцыі, у тым ліку ў дачыненні да непаўналетніх, і быў асуджаны да 18 месяцаў зняволення, якія адседзеў не цалкам. У 2011 годзе Эпштэйн выйшаў на волю, адбыўшы 13 месяцаў у турме.
7 ліпеня 2019 годзе яго зноў арыштавалі, а праз месяц, 10 жніўня, бізнэсмен учыніў самагубства ў турэмнай камеры ў Нью-Ёрку. Яму пагражала да 45 гадоў зняволення, і супраць фінансіста гатовыя былі сведчыць дзясяткі сведкаў і пацярпелых.
Цяперашні прэзідэнт ЗША Дональд Трамп і Джэфры Эпштэйн сябравалі на працягу многіх гадоў, але ў сярэдзіне 2000-х, як казаў Трамп, пасварыліся.
Раней сяброўства з Эпштэйнам і ўдзел у яго сэкс-вечарынках каштавалі тытула прынца брату караля Вялікабрытаніі Карла III Эндру.
Апублікаваны тры мільёны файлаў Эпштэйна: што новага і ці будуць яшчэ?
У дакументах па «справе Эпштэйна» знайшлі сляды буйных грашовых пераводаў у Мінск. Зноў усплыло імя Карыны Шуляк
Апублікавалі новую партыю матэрыялаў па справе Эпштэйна. Там зноў згадваецца Трамп
Біл Клінтан, Майкл Джэксан і Мік Джагер. Каго можна знайсці ў новых дакументах са справы Джэфры Эпштэйна
Апублікавалі новыя фота з архіва Джэфры Эпштэйна. На іх ёсць і Трамп
Арыштавалі прадстаўнікоў кампаніі Bayer у Беларусі15
Каментары
Спатыкаліся у́ Драздох .