У Расіі на святкаванні дня нараджэння ў лазні загінулі пяць падлеткаў
Пяць падлеткаў загінулі пры пажары ў саўне ў расійскім Кузбасе. Узгаранне адбылося ў адной з лазняў саўны на вуліцы Кубанская ў Пракоп’еўску Кемераўскай вобласці, паведамляюць расійскія СМІ.
У момант, калі ўзнік пажар, у лазні адпачывала група падлеткаў. Па папярэдніх звестках, выратавацца змагла толькі адна дзяўчына — 16‑гадовая Сафія.
Як паведамляецца, усе пяцёра загінулых у саўне ў Кузбасе — падлеткі 16—17 гадоў. Большасць загінулых — першакурснікі фізкультурнага тэхнікума. Яны нібыта адзначалі дні нараджэння траіх сяброў — дзвюх Лізавет і аднаго Сяргея. На гэтым тыдні аднаму за адным ім споўнілася 16 і 17 гадоў.
На вечарынкі ў лазневы комплекс з сабой можна было праносіць алкаголь і прадукты, нягледзячы на тое, што ўстанова пазіцыянуе сябе як сямейная.
У пэўны момант у адной з парыльняў успыхнуў агонь, ён перакінуўся на ўвесь комплекс. Не ўсе наведвальнікі паспелі эвакуявацца, ратавальнікі шукаюць яшчэ дваіх чалавек. Плошча пажару склала 70 квадратаў.
Следчы камітэт Расіі завёў крымінальную справу па артыкуле «Аказанне паслуг, якія не адпавядаюць патрабаванням бяспекі жыцця або здароўя спажыўцоў».
Каментары