Аршанскі ябацька не дайшоў праз снег да сцяга на плошчы і цяпер скардзіцца на камунальнікаў
Праўладны блогер з Оршы Дзмітрый, паказаў, у якім стане знаходзіцца плошча Сцяга ў горадзе. Як вынікае з ягонага роліка, да месца так і не дабраліся камунальныя службы. Праз гэта адпаведна да сцяга ў цэнтры плошчы не змог дабрацца сам блогер, піша BGMedia.
«Што гэта з нашай плошчай дзяржаўнага сцяга? Чаму яна ўся засыпаная снегам? Сёння ў нас 28 студзеня, а на плошчу не дабрацца ніяк. А гэта Парк герояў. Тут Лядовая арэнда. І наогул, чаму не прыбіраюць — не зразумела», — задаецца пытаннем Дзмітрый.
площадь государственного флага в городе Орша 28.01.2026
Раней на ўзвядзенне Парка працоўнай славы са стэлай, флагштокам і плошчай Дзяржаўных сімвалаў у Оршы выдалі вялікія грошы. Адзін флагшток абышоўся 2 мільёны 60 тысяч рублёў, і гэта яшчэ не канчатковая сума.
У каментарах пад відэа праўладнага блогера разгарнулася актыўнае абмеркаванне. Шмат хто з беларускіх карыстальнікаў не падтрымаў ягоных нараканняў і пачаў задаваць аўтару нязручныя пытанні. Некаторыя нават з іроніяй параілі яму не абурацца, а ўзяць шуфель і прыбіраць снег самастойна.
Людзі цікавіліся, ці сапраўды, на ягоную думку, трэба спачатку чысціць плошчы, а ўжо пасля займацца дарогамі, тратуарамі, прыпынкамі, пад’ездамі да бальніц, паліклінік, дзіцячых садкоў і школ. Іншыя пыталіся, дзе ён быў у той час, калі ўсе прыбіралі снег, і чаму не прыйшоў дапамагчы.
Акрамя таго, многія каментатары далучыліся да агульнай крытыкі працы камунальных службаў. Хтосьці з іроніяй заўважыў, што ўся праблема — у так званай «аптымізацыі». Іншыя параўноўвалі сітуацыю з мінулымі гадамі, адзначаючы, што раней дарогі і ходнікі ў горадзе прыбіралі значна хутчэй і якасней, а цяпер сітуацыя выглядае як суцэльны хаос. Некаторыя выказваліся яшчэ больш рэзка, заяўляючы, што сёлета ЖКГ не справілася практычна нідзе.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары