Свет11

У Італіі разгарэўся скандал з-за выявы на царкоўнай фрэсцы анёла з тварам Мелоні

У Італіі разгарэўся скандал пасля таго, як у Рыме ў базіліцы Сан-Ларэнца-ін-Лучына на адной з адрэстаўраваных фрэсак анёл, як сцвярджаюць СМІ і карыстальнікі сацсетак, атрымаў рысы твару цэперашняй прэм’ер-міністаркі краіны Джорджы Мелоні.

Фрагмент выявы, які выклікаў жарсці

Як паведамляецца, падабенства заўважылі пасля завяршэння рэстаўрацыйных работ. Рэктар Пантэона і базілікі Даніэле Мікелеці прызнаў, што пэўнае падабенства сапраўды ёсць, але падкрэсліў, што прычыны такога выніку варта высвятляць у самога рэстаўратара, бо ён не можа растлумачыць, чаму фрэска выглядае менавіта так.

У рымскай епархіі навіна выклікала здзіўленне і збянтэжанасць — адзначаецца, што падобных выпадкаў раней не было.

Сама Джорджа Мелоні з гумарам адрэагавала на сітуацыю ў сацыяльных сетках, напісаўшы, што яна «зусім не падобная да анёла», і дадаўшы смайлік. Яна таксама апублікавала фота фрагмента фрэскі.

Джорджа Мелоні. Фота: Simona Granati / Corbis via Getty Images

Рэстаўратар Бруна Валенцінэці адхіліў усе абвінавачанні, заявіўшы, што ён проста аднавіў вобраз такім, якім ён быў каля 25 гадоў таму, строга прытрымліваўся старых эскізаў і колераў і не ўносіў ніякіх зменаў ад сябе.

На сітуацыю адрэагавала і апазіцыя. Прадстаўнікі Дэмакратычнай партыі і руху «Пяць зорак» заявілі, што, калі інфармацыя пацвердзіцца, гэта можа быць сур’ёзным парушэннем заканадаўства аб ахове культурнай спадчыны. Яны патрабуюць неадкладнага ўмяшання Міністэрства культуры, расследавання абставін рэстаўрацыі і высвятлення, хто нясе адказнасць за работу.

Апазіцыйныя палітыкі падкрэсліваюць, што мастацтва і культурная спадчына Італіі не павінны станавіцца сродкам прапаганды ці адвольных інтэрпрэтацый, бо гэта пагражае іх аўтэнтычнасці і гістарычнай каштоўнасці.

Каментары1

  • Шрэк
    31.01.2026
    У нас таксама быў адзін чорт намаляваны Пушкіным.

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны15

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал26

У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет1

У Беларусі за апошнія гады ліквідавалі 40 праваслаўных прыходаў5

Украінскія дроны не могуць дагнаць рэактыўныя «Шахеды». У SpaceX кажуць пра тэхнічны збой3

«А як ты выкупіў адразу акцэнт?» Рэпер Баста па голасе пазнаў музыканта з Чавусаў і расказаў пра сваё дзяцінства ў закрытым гарадку пад Дзятлавам8

Амаль 400‑метровы пуцеправод паміж Каменнай Горкай і Лебядзіным абяцаюць адкрыць да канца года2

На Канары за суткі прыбылі амаль паўтары тысячы мігрантаў5

Карупцыйны скандал у Венгрыі: міністр Орбана закапаў у лесе 17 мільёнаў еўра7

«Лукашэнка ведае, што задумвае Пуцін, і вельмі гэтага баіцца». Чалы пра пагрозу новай вайны43

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны15

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць